Tenda

Os nosos viños

Terra de Asorei, un albariño auténtico e honesto. Nai, contemporáneo e elegante. Pazo Torrado, tradición e festa albariña.


Asorei

Asorei elabórase con uva albariña 100% do Val do Salnés, procedente maioritariamente de pequenas plantacións de Cambados.

En Cambados, capital do Albariño, e do Salnés, non soamente se comezou a cultivar as cepas de albariño, senón tamén a catar, vender e comercializar este viño a partir de 1953. O albariño Asorei mantén esta fidelidade á tradición, o saber facer e apreciar a riqueza da uva albariña feita viño.

Seguindo a tradición adegueira e de cata de Cambados e do Val do Salnés, nas Rías Baixas, creamos este albariño, afroitado, saboroso e agradable ao padal do Concello de Cambados.

12,00
Ver información    Comprar

Terra de Asorei

Terra de Asorei elabórase con uva albariña 100% do Val do Salnés e durante 6 meses sobre as súas propias lías. Nos traballamos os viñedos coma o escultor traballa a pedra, talando con cinceladas de experiencia, ciencia, alma e humanidade para acadar arte feita viño: Terra de Asorei. Cambados, capital do Albariño, é terra de grandes escultores que levaron a pedra e a madeira galega a formar parte do diálogo universal da arte, coma nós queremos presentar a autenticidade do albariño Terra de Asorei para entrar en diálogo cos grandes viños do mundo.

14,00
Ver información    Comprar

Terra de Asorei Selección Privada

As características da uva albariña do Val do Salnés da colleita 2020 permitiunos acadar ese equilibrio elegante e complexidade en boca, partindo dunha boa acidez, do traballo de battonage e do contacto coas súas lías durante 12 meses. Despois dun repouso en botella, sae ó mercado en xuño de 2020, 5.000 botellas numeradas.

O albariño Terra de Asorei Selección Privada simboliza a irmanda familiar da nosa adega, a súa tradición e innovación que nos vai permitir gozar dunha experiencia chea de matices organolépticos.

Con paciencia e dedicación, Lino Domínguez, Vicepresidente de Adegas Terra de Asorei, e Sofía Vilanova, Responsable de Enoloxía e Elaboración, coidan esta Selección Privada de Terra de Asorei.

Xosé Ramón Durán - Roque, Presidente de Adegas Terra de Asorei, foi a persoa que propuxo no Pleno do Consello Regulador Rías Baixas un novo concurso para honrar e poñer en valor a tradición dos albariños embotellados despois de 12 meses de elaboración, que permite evolucionar ó albariño en matices cos anos.

17,00
Ver información    Comprar

Terra de Asorei Barrica

Terra de Asorei Barrica elabórase a partir das uvas de pequenas fincas ubicadas no Val do Salnés, Galicia, que grazas a un coidado personalizado reflexa o carácter varietal do albariño, que complementamos cuns matices elegantes de madeira.

Con máis coñecemento, selección e coidado recuperamos a tradición de elaborar albariño en barrica de madeira cunha crianza de 6 meses en barricas de carballo, como se facía historicamente nas nosas pequenas adegas no Val do Salnés ata 1980.

Terra de Asorei Barrica é unha elaboración especial cunha edición limitada de menos de 3.000 botellas.

19,00
Ver información    Comprar

Espadeiro Terra de Asorei

O espadeiro é unha das uvas senlleiras de Galicia. Adegas Terra de Asorei aposta pola recuperación desta cepa tradicional do Val do Salnés. Cunha produción limitada de 1.800 botellas da colleita 2020 e cepas de mais de 50 anos en Cambados e Padrenda-Meaño.

É o viño tinto do país, “a sangue do corazón da nosa terra”, como dicía o poeta Ramón Cabanillas no seu poema de 1.917 “Diante dunha cunca de viño espadeiro”, que o identificaba como “viño Celta e propio da alma galega”.

Dende o século XVIII o espadeiro foi a variedade de referencia no Val do Salnés, gozaba de calidade e prestixio, e de gran sona e ascendencia no mundo campesiño, científico e gastronómico. Sen grandes cantidades, había mais espadeiro que albariño. Mais a partir de 1.960 entrou en decadencia pola súa baixa produción e dificultade no seu coidado e elaboración.

Dende Terra de Asorei mostramos o noso compromiso coa diversidade vitivinícola e lealdade á tradición recuperando un dos grandes viños galegos. É unha aposta pola modernización, aplicando os novos coñecementos e técnicas de vinificación do Século XXI, para elaborar un auténtico e elegante espadeiro.

19,00
Ver información    Comprar

Brut Terra de Asorei

O Brut Terra de Asorei é a explosión elegante das burbullas da uva albariña. Nel podemos recoñecer unha elaboración 100% con uva albariña do Val do Salnés das Rías Baixas e cun tempo de rima nas súas lías duns 18 meses. É a nosa brincadeira aposta dende Galicia por un escumoso de calidade, que segue o tradicional método champenoise. A calidade, o zume e acidez das primeiras uvas albariñas da colleita son a base deste brut que agarda ser descuberto.

22,00
Ver información    Comprar

Brut Nature Terra de Asorei

O Brut Nature Terra de Asorei representa a fidelidade á uva albariña, mediante pequenas burbullas que expresan a autenticidade e frescor do albariño. Con este escumoso de uva 100% albariña do Val do Salnés das Rías Baixas, obtemos durante uns 24 meses en rima nas súas lías, a máxima expresión dun escumoso de albariño. Brut Nature Terra Asorei é un escumoso de calidade, procedente das primeiras uvas albariñas obtidas da colleita e seguindo o método de elaboración tradicional champenoise. A calidade e a fidelidade á uva albariña do noso Nature sorprenderán a aqueles padais ávidos por descubrir novas experiencias vinícolas.

23,00
Ver información    Comprar


Nai e Señora é un albariño novo. Elaborado con uva 100% albariña do Val do Salnés, onde destaca a súa elegancia, estrutura e salinidade, pola influencia do mar da Ría de Arousa. Ten unha boa evolución durante os tres primeiros anos de vida. Na súa etiqueta figura a silueta dunha muller cun traxe con motivos dos viñedos en tempos de primavera ou de outono antes da vendima. Unha muller ergueita coa súa coleta ao aire para representar o seu apoderamento, e cunha bolboreta que representa a súa liberdade.

12,00
Ver información    Comprar

Nai e Señora “sobre lías”

Facemos evolucionar o albariño Nai grazas ás lías, que lle dan un corpo e unha personalidade. Ese traballo das lías en depósito fai un albariño máis redondo e con notas máis complexas en nariz. A súa evolución en botella é moi interesante. Demostramos que a uva albariña do Val do Salnés enriquece as súas características co tempo, que está perfecta para beber no 2º ou 3º ano e que evoluciona ben co paso do tempo. Coa liberdade que simbolizamos co voo da bolboreta, atrevémonos a presentar o noso albariño Nai en vermello, para que descubra novas formas de gozar con este viño.

14,00
Ver información    Comprar

Colección Nai e Señora

Viño seleccionado polas súas características para a súa crianza. Previo paso por barrica de carballo (3 meses) para que gañe complexidade, dando lugar a un viño de garda que mantén a fidelidade ás características varietais da uva albariña do Val do Salnés. Con Colección Nai buscamos outras sensibilidades. A súa complexidade fai que evolucione dunha forma moi natural e elegante durante 5 anos. É un albariño de Colección cunha colleita limitada de 3.000 botellas, que saen todas numeradas. Permite unha cata máis ampla. Recomendamos a súa degustación con pausa ao redor dunha mesa, para dialogar do que supón a mestura da uva albariña coa madeira de carballo. Na súa elaboración aplicamos técnicas enolóxicas actuais en combinación coa tradición da barrica de carballo. Seguimos a pegada dos grandes albariños que facíamos nos nosas pequenas adegas familiares, cando o albariño non se comercializaba, pero se gardaba para as grandes celebracións da familia. Agora queremos que este viño salga da casa envolto en “panos de ouro” para gozar nunha celebración que vostede considere especial.

17,00
Ver información    Comprar

Brut Nai e Señora

Buscamos unha experiencia diferente, mesturando unha das mellores uvas do mundo, a uva albariña do Val do Salnés, cunha das mellores formas de elaborar un escumoso de calidade, o método champenoise. Froito desta mestura nace a elegante burbulla de Brut Nai, despois de estar a botella uns 12 a 15 meses en rima, facendo tranquilamente a súa segunda fermentación. É unha invitación para que descubran a complexidade que pode ter a uva albariña en nariz cun bo equilibrio de azucre e acidez en boca. Vestimos de gala este escumoso Nai para transmitir a elegancia das súas burbullas, para eses intres nos que un se sente en harmonía e goza de compartilo.

19,00
Ver información    Comprar


1953 Pazo Torrado

Pazo Torrado é uva albariña 100%. Elaborado en adega de acordo cos métodos tradicionais do Val do Salnés, nas Rías Baixas. Pazo Torrado é o noso Albariño de toda a vida: afroitado, saboroso e agradable ao padal. Pazo é o nome galego que reciben as grandes casas. O Pazo de Torrado foi construído na segunda metade do século XVII e reconvertido nos primeiros anos do século XXI para que fose a sede do Consello Regulador Rías Baixas. Está situado en Cambados, onde tódolos veráns dende o ano 1953 outorgase un galardón ós mellores albariños. Queremos render homenaxe aos amantes deste viño, viticultores e adegueiros que dende a Festa do Albariño, levaron este viño galego ao mundo e o senten no corazón. 1953 Pazo Torrado amosa duas presentacións distintas, unha delas máis común no mercado galego e europeo e a outra en países de américa e anglosaxóns.

12,00
Ver información    Comprar

1953 Brut

As cualidades naturais e a riqueza aromática da uva albariña do Val do Salnés, lévanos a elaborar un Escumoso seguindo o método tradicional champenoise. Despois de que o noso enólogo traballase durante 10 anos en poñer a punto o seu proceso, presentamos o Brut 1953 Pazo Torrado. Comezando así unha nova xeira para o albariño en compañía doutras adegas do sector que tamén apostan por esta renovación que representa o vino albariño. En 1953 comezou a celebrarse o xantar e a festa do albariño en Cambados, dando lugar á venda e comercialización do albariño que ata aquela gardaban como ouro en pano nas pequenas adegas familiares do Val do Salnés. Cando en 2015 a irmandade adegueira comezou a elaborar en Adegas Terra de Asorei para celebralo, comezamos a seleccionar as primeiras uvas da colleita que son o viño base deste escumoso de albariño cuns 9 meses en rima.

18,00
Ver información    Comprar

Mostrando o único resultado

1 2